Loyola Retreat House
Ang Loyola Retreat House Spirituality and Art Center Angono ay isang tahimik na retreat house na pinamamahalaan ng mga Heswita. Itinatag ito noong 1964 at muling binigyang-buhay matapos ang renobasyon noong 2023.
Matatagpuan sa tuktok ng Nieves Hills, nagbibigay ito ng payapang espasyo para sa panalangin, pagninilay, at pahinga ng isip at puso, kasabay ng tanawing ganda ng Laguna de Bay.
Mayroon itong mga pribadong silid, mga hardin na maaaring pagdasalan, isang kapilya, at kumpletong pasilidad para sa personal man o panggrupong retreat.
Natatangi rin ang lugar dahil sa pagsasanib ng sining at espiritwalidad, kaya mainam ito para sa mga nais magmuni-muni, manahimik, at muling hanapin ang direksyon ng buhay sa isang payapa at makabuluhang kapaligiran.